22 abr 2026 0

Alsa é coñecida polos autobuses. O que tanta xente non sabe é que ten unha filial ferroviaria que xestiona o tren Felipe II de Madrid ao Escorial, ou o recentemente lanzado Expreso de Canfranc que une Zaragoza co pobo oscense coa estación  máis fermosa de España.

O seu seguinte obxectivo é rehabilitar  -traballa niso- os vagóns do Galaico Expreso cun acordo co Museo do Ferrocarril de Monforte (na imaxe) e relanzar unha iniciativa que funcionou uns anos pero que leva dez durmindo.

22 abr 2026 0

"Cos factores habituais non somos quen explicar por que Galicia ten máis absentismo que o resto" recoñece o economista Santiago Lago Peñas ante un fenómeno multifactorial e aínda non completamente explicado. Se ben estudado no recente informe que veñen de presentar investigadores da USC e a Universidade de Vigo, que analiza en profundidade a evolución e o seu impacto económico.

O catedrático e coordinador do traballo subliña a magnitude. "Non é só que as baixas duren máis, é que hai máis baixas". Está previsto que a Xunta adiante esta semana novidades sobre o plan de choque para combater posibles fraudes, prevese reforzar o papel que desempeñan as mutuas, por exemplo. 

16 abr 2026 0

Un “ben sobresaínte”.  Un gran núcleo ao redor do viño que mantense intacto, xa que son mínimas as alteracións destas edificacións que viviron poucos engadidos de materiais modernos ou modificacións de alturas e volumes. Desde hoxe as covas e adegas de Seadur, no concello ourensán de Larouco, son Ben de Interese Cultural. 

O uso delas como vivendas, refuxios de pastores, almacéns agrícolas e adegas, aproveitando illamento térmico e estrutura, é especialmente coñecido en Andalucía (Granada), Murcia ou Navarra; pero tamén son habituais nesta aldea da comarca de Valdeorras para protexer o viño da calor e facer festas.

16 abr 2026 0

A Real Academia Galega de Ciencias (RAGC) celebrou no Pazo de San Roque de Santiago o acto de entrega dos Premios á Transferencia de Tecnoloxía en Galicia, o Premio de Xornalismo Científico Celia Brañas (convocados coa colaboración da Axencia Galega de Innovación) e o Premio de Divulgación Científica.

15 abr 2026 0

Restos da cultura técnica, histórica e arquitectónica, maquinaria, edificios, instalacións... o patrimonio industrial é catalogado habitualmente por historiadores, enxeñeiros e asociacións con iniciativas como Buxa en Galicia e o grupo PATRIF na UNED.

Os enxeñeiros galegos detectaron sete obras con valor pero que poden xerar máis.  Non todas están mal aínda que a maioría precisan dunha volta de conservación,  señalética e difusión. E  son unha descuberta para moitos que nin miraran para elas cando contan moitas cousas, ademais do servizo feito e que seguen a facer.

15 abr 2026 0

Un tenreiro que en 2021 daba 830 euros hoxe 1.850. Pero a fata de relevo xeracional, tendencia que dase en case tdoa Europa é un feito. No caso galego minguaron desde 2021 un 24% ata situarse ao redor das 18.000 explotacións, e taméns os cebadoiros, que baixaron dos 5.000 tras descender preto dun 47%. 

Desta realidade dá conta un completo informe publicado hai uns días pola Fundación Juana de Vega segundo datos da enquisa de sacrificios do Ministerio de Agricultura. Elevado custo do gando, incremento dos investimentos iniciais necesarios, encarecemento dos materiais de construción ou a "complexidade burocrática" son os prinicipais hándicaps.