18 xuñ 2025 0

O Consello de Ministros aprobou un Real Decreto-Lei para actualizar as entregas a conta das comunidades e tamén das entidades locais de 2025, cifra sen actualizar  pola prórroga orzamentaria.

O Ministerio de Facenda asegura que as comunidades recibirán "as maiores entregas a conta da historia" con 147.412 millóns de euros, unha suba do 2,5% respecto ás percibidas en 2024. Sen embargo comunidades como Aragón recibirán menos cartos.

18 xuñ 2025 0

A startup galega con sede en Nigrán está a darlle unha volta á tradición culinaria con proteína vexetal e vén de dar un importante salto a entrar no mercado francés con produtos dispoñibles en varios supermercados da cadea Hyper U. 

“Estamos a conquistar os padais franceses antes que parte do retail nacional”, di a conselleira delegada, Águeda Ubeira, que tamén preside dende finais de 2024 a Asociación Jóvenes Empresarios de Vigo, AJE Vigo.

17 xuñ 2025 0

Co novo regulamento europeo de materias primas fundamentais e unha listaxe de proxectos estratéxicos marcados desde Bruxelas, a minería inicia un período de crecemento para aproveitar as máximas subministracións posibles de compostos básicos para a industria.

17 das 34 materias primas críticas listadas pola Comisión Europea hainas en Galicia,onde aumentou a produción mineira a 337,1 millóns de euros en 2023, unha alza do 2,2%. Á cabeza en España: Andalucía (1.216 millóns de euros), Cataluña (410,6 millóns) e Castela e León (403,7 millóns) 

16 xuñ 2025 0

Un dos sectores máis puxantes e con mellores perspectivas superou por primeira vez os 23.000 traballadores afiliados á Seguridade Social ata empregar ao 2,3% da masa laboral. Malia o crecemento, tres de cada catro empresas afirman que lles resulta "difícil ou moi difícil" dar con candidatos coa formación axeitada.

Polo demais o Observatorio da Sociedade da Información e a Modernización de Galicia (Osimga) confirma o esperado: a gran maioría das firmas son pemes, das 3.108 rexistradas oito de cada dez non superan os dous asalariados. O 87% dos traballadores cotizan polo réxime xeral aínda que os autónomos subiron en 2024 por primeira vez en tres anos ata un 13%.

16 xuñ 2025 0

Falamos dos préstamos para as empresas galegas afectadas polos aranceis estadounidenses dos que se espera a súa convocatoria aberta en poucas semanas. Son desde 100.000 ata un millón de euros por compañía e con período de carencia de ata catro anos, o dobre do habitual, para financiar circulante a longo prazo. 

Requisitos? Ter o centro de traballo maioritariamente en Galicia e acreditar unha facturación anual mínima de 100.000 euros no mercado estadounidense, ou ben que este mercado represente polo menos o 10% das vendas.

13 xuñ 2025 0

Levamos dous anos de descenso en volume de madeira cortada -máis do 80 % das curtas de 2024 son en Coruña e Lugo -aínda que os empresarios falan de estabilidade en canto a aproveitamentos. Nos montes lucenses o pasado ano cortáronse 3,6 millóns de metros cúbicos dando emprego a 2.700 persoas en máis de 250 empresas extractoras e transformadoras prexudicadas polas novas taxas ás sacas que algúns concellos comezaron a impoñer.

Carmen Gayoso preside e Nuria Rodríguez leva a xerencia de Lugomadera, que hoxe clausuraba Asamblea Xeral e onde o director da Axencia Galega da Industria Forestal (Xera), Alfredo Fernández Ríos, apoveitou para anunciar novas axudas.