Os meses que veñen
Malia o confuso “Plan para a transición a unha nova normalidade” aprobado polo Consello de Ministros o 28 de abril, existe moita incerteza sobre a recuperación da actividade económica.Por sectores, actividades artísticas e recreativas xa baixaron o -10,7%; comercio, transporte e hostalería o -9,7% e construción o -8,6%.
“Será ao longo deste trimestre e o seguinte cando se reflectirán máis amplamente os efectos no emprego, o consumo, o investimento e as exportacións. Mención aparte cabe facer do turismo, que cun peso do 13% no sector servizos é dos que máis difícil ten a remontada”, afirman dende o Observatorio Financeiro do Consejo General de Economistas. "A nosa estimación é que, a final de ano, a taxa de paro atópese entre o 21%/22%, cunha redución en 2021 ata o 17%".
 14.10.10.png)
Hoxe coñecéronse os principais agregados macroeconómicos correspondentes ao primeiro trimestre. O Produto Interior Bruto rexistrou no primeiro trimestre unha redución do 5,2%, motivado pola redución do consumo do 5,1% e do 5,3% o investimento. As variacións máis destacables producíronse no consumo privado dos fogares que caeu o 7,5% (o das administracións públicas incrementouse o 1,8%) e a construción que caeu o 9,6%. As importacións e exportacións caeron o 8,4% e se coñeceu recentemente o índice xeral do comercio polo miúdo (ICM), que reflicte no mes de marzo unha variación anual do −12,6%. Só o sector da alimentación tivo un incremento do 8,9%.
Tendo en conta que a recuperación da actividade vai ser gradual e lenta, por provincias e por sectores, "prevemos que o PIB se contraia en torno ao 10,8% en 2020, cunha recuperación en 2021 ao redor do 3,5%", afirman os economistas. "O efecto no emprego xa se está constatando", non só polas cifras de paro do mes de marzo e pola EPA do primeiro trimestre, que sitúa a taxa de desemprego no 14,41% cun total de 3.313.000 parados, senón polos aproximadamente 4 millóns de traballadores afectados polos ERTES.
Tampouco é desdeñable o efecto que esta crise está a ter nos mercados financeiros, tanto de renda variable como de renda fixa. As caídas no primeiro trimestre foron avultadas, aínda que nestas últimas semanas, grazas ás intervencións dos Bancos Centrais, os Índices bolsistas están a recuperarse paulatinamente e a volatilidade está a diminuír. No caso español pasou do 80% ao actual 30%, lonxe aínda do nivel precrise. Nun momento no que a previsión de aforro pode situarse en máximos, en torno ao 14%, a volatilidade non axuda a investir ese aforro.
Sen cartos
Os próximos meses estarán marcados por unha redución dos ingresos públicos pola baixada da recadación de impostos, e un incremento do gasto público para facer fronte á emerxencia sanitaria, social, económica. Como consecuencia, o déficit incrementarase ata situarse entre o 13% e 15% mentres que a débeda, no escenario máis optimista, pode chegar ao 113%. Se as necesidades de financiamento ascenden a 300 mil millóns, que supoñen un 25% da débeda a finais de 2019, esta poderíase situar a final de ano entre o 120%-125% do PIB. É importante que se manteña controlada a prima de risco (O BCE vén axudando a iso) dado o aumento do déficit e débeda, e a necesidade de que se sigan financiando a tipos moi baixos.
Esta situación fai que moitos países estean a buscar solucións globais, tanto sanitarias, como económicas. E son fundamentais as decisións que se tomen no seo da Unión Europea para enfrontarse a esta recesión.
Comentarios (0)