A economía española, das máis contraídas da zona euro
As estimacións do Fondo Monetario Internacional sinalan que no caso de Europa a recesión económica será desigual prevendo descensos superiores ao 7%. A recuperación dependerá ademais da evolución da pandemia, da estrutura produtiva de cada economía e da capacidade política de resposta. En España os economistas prevén unha taxa de paro entre o 21-22%.
En canto aos efectos da crise nos mercados financeiros, a coordinadora do Observatorio Financeiro do Consejo General de Economistas, Monserrat Casanovas, sinala que “a bolsa española foi a peor parada cunha baixada do 25,7% ata finais de maio e cunha gran volatilidade. Séguelle de preto Brasil cun 24,4% e Italia, cunha baixada do 22,6%”. Con todo, no que levamos do mes de xuño, o IBEX rexistrou unha subida superior ao 11%. No caso de Estados Unidos, a pesar da cifra histórica de desempregados os seus índices están mellor do esperado: o Dow Jones viviu un incremento mentres que o Nasdaq rexistrou unha subida do 5,76%.
O Consello Xeral de Economistas publicou hoxe o “Informe maio 2020” relativo ao primeiro cuadrimestre de 2020 elaborado pola Comisión Financeira do seu Observatorio Financeiro cos principais indicadores macroeconómicos e financeiros dispoñibles ao 30 de abril de 2020.
Os coordinadores, Antonio Pedraza, Montserrat Casanovas e Salustiano Velo, poñende manifesto as circunstancias especiais deste cuadrimestre que fixo que as perspectivas cambiasen drasticamente. No caso de España, tras un crecemento do PIB do 2% en 2019, que actuaba como inercia para 2020 xa no primeiro trimestre retrocedeu un 5,2%, en pleno estado de confinamento. Para o presidente do Consello Xeral de Economistas, Valentín Pich, “debemos estar atentos porque ademais da contracción do noso PIB en torno ao 11%, ante un posible rebrote da epidemia a nosa economía sufriría un duro golpe cunha contracción que podería roldar o 14%, ao que hai que sumar que o déficit podería alcanzar algo máis do 12% a finais de ano“. Os próximos meses estarán marcados aínda pola incerteza económica ligada á evolución da crise, haberá unha redución dos ingresos públicos pola baixada da recadación de impostos, e un incremento do gasto. Como consecuencia, o déficit incrementarase ata situarse entre o 12% e 15% e a débeda poderíase situar a final de ano entre o 120%-125% do PIB. “Por iso, é fundamental que se manteña controlada a prima de risco dado o aumento do déficit e débeda, e a necesidade de que se sigan financiando a tipos moi baixos”.
Antonio Pedraza sinalou que “mantemos a nosa previsión de contracción da economía do 10,8 para este ano, con rumbo baixista no caso que houbese algún rebrote”. Segundo Pedraza, “hai dous sectores especialmente castigados pola crise, o turismo, cunha actividade practicamente nula desde que se declarou o estado de alarma e o do automóbil, agravado pola deslocalización industrial de Nissan e Renault. De feito, a industria automobilística en abril tivo un descenso da súa produción do 92%. Para o coordinador do Observatorio, Salustiano Velo, “todas as variables, excepto o gasto das administracións públicas, están a resentirse. O consumo e o investimento sofren unha gran contracción, mentres que se espera que a taxa de aforro mantéñase en torno ao 10%”.
En maio xa se albiscaron indicadores que poderían sinalar a senda da recuperación: o índice PMI, que no caso do sector servizos que alcanzou os 27,9 puntos, fronte ao 7,1 de abril, así como o descenso rexistrado na prima de risco. As emisións de débeda do Tesouro están a cubrirse con facilidade practicamente ao 0%. En canto ás divisas, hai un certo fortalecemento do euro fronte a o dólar, yen ou a libra, pero o activo refuxio segue sendo o ouro que se mantén estable despois dun incremento da orde do 20% no primeiros catro meses do ano. Como conclusións cabe resaltar:
O confinamento imposible
As medidas postas en marcha para conter o avance dos contaxios provocan un forte impacto en termos de produción e emprego. Dentro da Zona Euro, a economía española será unha das que rexistre unha maior contracción. Xa no primeiro trimestre diminuíu o PIB un 5,2%. A CE apunta a un descenso do 9,4% para este ano, e un repunte da taxa de paro ata o 18,9%. O Banco de España, nas súas previsións de xuño prognosticou que a contracción podería alcanzar o 11,6 % se a recuperación é gradual ou o 15,1%, nun escenario de risco, cunha recuperación moi lenta, con tensións de liquidez empresarial que derivasen en problemas de solvencia que poderían dar lugar a peche de empresas, paro de longa duración, e un maior custo de financiamento.
Comentarios (0)