Ponse en marcha a primeira planta de almacenamento enerxético autónomo de Galicia
Permite almacenar enerxía en horas devolvela á rede cando se incrementa a demanda, con capacidade para fornecer a 2.000 vivendas ao ano mesmo en condicións operativas complexas.
Chega da man dunha multinacional chinesa, Sungrow Renewables, que escolleu Sanxenxo para ubicar esta primeira planta en España, onde a firma afirma que seguirá a investir.
A inauguración foi onte na propia planta situada no parque empresarial Nantes en Sanxenxo (Pontevedra). Daniel Sánchez, CEO de Sungrow Renewables en Western Europe, Telmo Martín, alcalde de Sanxenxo e María Jesús Lorenzana, conselleira de Economía e Industria, estiveron alí.
A planta responde o proxecto denominado ‘Bess Sanxenxo’ no que se instalou un sistema con baterías LFP en formato contedor. Con 5MWh de potencia instalada e 20MWh de capacidade de almacenamento, a instalación permite absorber enerxía eléctrica da rede en momentos de baixa demanda, almacenala e posteriormente devolvela ao sistema cando sexa necesaria.
Comentarios (0)